有人話，佔中這幫人不要再攪事了，香港不能亂，好多人會無飯開。其實我真的想知有幾亂，商戶開少一兩日工，生意一定有影響，不過影響係咪真係咁大？大是大非前，幾日生意真係唔犧牲得？
或者你覺得，點解要我犧牲？呢種經濟犧牲有咩意義？你地日日佔中就會有普選咩？
係架，唔知架。2003年50萬人上街反廿三條立法，大家都係抱住「抗爭」的心，如果事先知道幾十萬人上街就可以擱置立法，當年點止50萬人上街？
我只知道，你肯去爭取，就有機會成功，那怕機會渺茫；但你咩都唔做，就一定唔會有改變。況且今次的政改，完全是大倒退！假普選！你真係覺得可以袋住先？
咁有普遍選真係好咩？你難保將來一人一票選出黎的都係689呢種人！
世界上唔會有一種政策一推出就一天都光晒，世界和平生活無憂。一人一票真普選只是好基本的事，借用友人的比喻，好似盲婚啞嫁同自由戀愛。盲婚啞嫁都可能嫁個好人家，幸福快樂生活無憂；而自由戀愛分分鐘遇上pk，縱使動地驚天愛戀過／在最終你竟拋底我／剩我孤單過，自己揀的都可能傷心可能被hurt可能無好下場。
但，比你揀，你要盲婚啞嫁，定自由戀愛？
 |
| (Photo from 壹周刊) 2014年9月29日 香港中環 |
沒有留言:
張貼留言